Analisti politik, Dardan Sejdiu, ka thënë që zgjedhja e presidentit të ri të SHBA-ve, nuk ka pse i ndikon Kosovës në “detyrat e shtëpisë” që i ka.

“Diskutimi i zgjedhjeve presidenciale në Amerikë, karshi Kosovës për të shtensionuar situatën mes Serbisë dhe Kosovës e ka marrë një rrugë. Zotësia jonë, është se çka marrim në proces, pavarësisht se kush do të jetë president i SHBA-së”.

Sejdiu në Rubikon në Klan Kosova, theksoi se Kosova duhet vet t’i kryejë obligimet e veta si shtet.

“Detyrat tona të shtëpisë nuk na bën as Biden dhe as Trump; pra nuk duhet të humbim energji shumë, me vendos zgjedhjen e njërit ose tjetrit në kontest të Republikës së Kosovës”.

Sejdiu ka theksuar se kjo është sipas tij çështje kozmetike.