Deputeti i Nismës Socialdemokrate, Endrit Shala ka reaguar pas bastisjeve të Speciales në shtëpinë e ish-kreut të Kuvendit, Jakup Krasniqit.

Shala në Facebook ka publikuar një fotografi me Krasniqin, ku shkruan se janë gati për t’i fituar betejat e radhës.

“Ne jemi gati për t’i fituar betejat e radhës, cilado qofshin ato”, ka thënë Shala.

Zyra e Prokurorit të Specializuar (ZPS) aktualisht është duke kryer operacione në Prishtinë.

Operacionet e ZPS-së po kryhen me mbështetjen e Policisë së Kosovës dhe Misionit të Bashkimit Evropian për Sundimin e Ligjit në Kosovë (EULEX).

Ndryshe, forcat e shumta policore nga njësia e EULEX-it në mëngjesin e sotëm rreth orës 06:00, kanë shkuar në shtëpinë e Jakup Krasniqit në Prishtinë.