Prokuroria Speciale në Hagë, nuk i ka komentuar raportimet se dosjet ndaj Presidentit Hashim Thaçi dhe të tjerëve të dyshuar, janë kthyer për prova shtesë.

Zëdhënësi i Gjykatës Speciale, Christopher Bennett, në një përgjigje për Klan Kosova, i ka quajtur ”spekulime të mediave”, informacionet e tilla.

”Prokuroria e Specializuar nuk komenton spekulime të mediave”, është shprehur Bennet.

Ne media online sot ka qarkulluar një lajm se Dhomat e Specializuar në Hagë kanë kthyer për plotësimin e dosjes, dhe provave shtesë, “hetimin” e Zyrës së Prokurorit të Specializuar ndaj Hashim Thaçit.