Anëtari i PSD-së, Frashër Krasniqi ka reaguar pas konfirmimit të aktakuzave për krime lufte ndaj ish-presidentit Hashim Thaçi dhe kreut të PDK-së, Kadri Veseli.

Krasniqi ka thënë se kriminalizimin e UÇK-së, sot po e feston Lëvizja Vetëvendosje dhe kreu i saj Albin Kurti.

“Sot feston Vetëvendosja!

Albin Kurti feston kriminalizimin e UÇK-së, të cilin nuk e ndali. Fuqinë e ka dhe e kishte. Por interesi partiak i tha të kundërtën. I njëjti interes partiak që dikur e shtyu Thaçin ta sjell këtë Gjykatë në Kosovë.

Sot feston Serbia sepse nisma e saj për kriminalizimin e luftës tonë, gjeti mjaft entuziastë në politikën tonë vendore. Si në fillim ashtu edhe sot.”, ka shkruar Krasniqi/