Në aktakuzën e bërë publike nga Gjykata Speciale, përmes së cilës akuzohen, Hashim Thaçi, Kadri Veseli, Nasim Haradinaj e Rexhep Selimi, përmenden krimet e pretenduara që kanë kryer ish udhëheqësit e UÇK-së.

Mes pikave të aktakuzave, ky dokument i speciales përmend edhe krimet ndaj katolikëve që thuhet se i ka bërë UÇK-ja. Një konstatim i tillë ka nxitur reagime të mëdha në Kosovë, duke akuzuar Hagën se po bënë përpjekje për të krijuar ndarje mes komuniteteve. Ish udhëheqësit e UÇK-së, kanë thënë se në luftë nuk ka pasur ndarje mes feve.

I vetmi përkushtim i tyre ka qenë lufta për çlirimin nga Serbia. Këtë gjë e vërteton më së miri edhe një fotografi e bërë publike ku shihet Nasim Haradinaj me disa pjesëtarë të UÇK-së. Haradinaj siç shihet në foto ka të varur në qafë një kryq që ia ka dhuruar një ish pjesëtar i UÇK-së katolik me emrin Anton.

Kryqi në këtë foto nuk shihet mirë por historia e këtij simboli katolik të varur në qafën e një ushtari myslimanë tregon se Haradinajt i është dhuruar për ta ruajtur nga të këqijat që mund t’i sillte lufta.