Kuvendi i Kosovës është mbledhur sot për të diskutuar për Liqenin e Ujmanit si dhe për personat e pagjetur.

Mirëpo, nënkryetarja e Kuvendit, Arbërie Nagavci tha se kjo seance Kuvendi duhet të ndërpritet pasi që nuk ka kuorum të mjaftueshëm për vazhdimin e saj.

Në rend të ditës ishin paraparë edhe dy 2 interpelanca të kryeministrit Hoti dhe 12 pika të tjera.

Ndërsa Nagavci theksoi se kurdo që do të vazhdohet kjo seanca kryesia e Kuvendit do t’i mbaj të informuar deputetët.

Në seancë duhet të jenë të pranishëm 61 deputetë për tu votuar projektligjet, ndërsa sot ishin vetëm 44.

Ndërkohë dje nga PDK-ja kanë njoftuar se deputetët do të bojkotojnë seancat e Kuvendit këtë javë për shkak të zhvillimeve nga Gjykata Speciale.