Deputetja e Vetëvendosjes, Fitore Pacolli i ka bërë thirrje LDK-së të thellojnë bashkëpunimin për të ndalë PANhajninë.
Ajo ka thënë se bashkëpunimi i Abin Kurtit me Isa Mustafën ndalen idenë e presidentit Hashim Thaçi për korrigjim e ndryshim kufijsh.
“Qëndrimet tona të përbashkëta përçuan mesazhin e popullit tek bashkësia ndërkombëtare se Kosova është republikë parlamentare me integritet territorial dhe institucional, me sovranitet dhe kufij të pacenueshëm”, ka shkruar Pacolli, në një reagim në FB.
“Veprimet tona të përbashkëta duhet të thellohen edhe më tutje për ta ndalur edhe PANhajninë”, ka shtuar ajo.
Sipas saj, bashkëpunimi VV-LDK duhet të vazhdojë.
“Kur pavarësia dhe qenësia e shtetit të Kosovës filloj të vihej në pikëpyetje nga personi që duhej ta mbronte e ta përfaqësonte sa më denjësisht, Lëvizja VETËVENDOSJE! dhe Lidhja Demokratike e Kosovës bashkërenduan qëndrimet dhe veprimet për Republikën. Ky veprim i përbashkët opozitar i ndali përfundimisht iniciativat e papërgjegjshme, jolegjitime dhe jo transparente të Presidentit të Kosovës qëllimi i së cilit ishte copëtimi i Kosovës”, ka shkruar ajo. /Reporteri.net/.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.