Avokati i Popullit ka reaguar në lidhje me shembjen e Teatrit Kombëtar në maj të këtij viti.

Reagimi i këtij institucioni vjen pas shqyrtimit sjelljes së organeve të Rendit gjatë ndërhyrjeve të kësaj të fundit për shkatërrimin e godinës.

Avokati i Popullit ka përpiluar një përmbledhje me rekomandime mbi sjelljen e Policisë së Shtetit.

Nisur nga konstatimet e kryera gjatë hetimit administrativ të nisur nga Avokati i Popullit, u është kërkuar autoriteteve më të rëndësishme ligjzbatuese në vend si Ministrisë së Brendshme, Policisë së Shtetit dhe Prokurorisë së Përgjithshme që të ndërmarrin një sërë masash administrative dhe ligjore për të ndëshkuar një seri sjelljesh individuale apo të organizuara që u vërejtën në veprimtarinë e Policisë së Shtetit gjatë operacionit për shkatërrimin e Teatrit Kombëtar.