Kryetarja e LSI-së Monika Kryemadhi, në një bisedë me gazetarët, duke folur për zgjedhjet brenda Lëvizjes Socialiste për Integrim, shpjegoi edhe atë çfarë do të ndodhë me Konventën e 5 dhjetorit dhe qëndrimin e kësaj force politike përballë PD dhe Opozitës së Bashkuar.

Do të jetë Konventa e 5 Dhjetorit që do të vendosë lidhur edhe me koalicionet dhe mënyrën se si LSI do të futet në zgjedhjet e 25 prillit?

“Konventa e 5 dhjetorit do jetë konventa zgjedhore që do zgjedhë nënkryetarët, sek e përgjithshëm. Do të jetë shumë e qartë sa i përket anës programore për zgjedhjet e 25 prillit dhe cili do jetë angazhimi i LSI-së.
Fronti opozitar është kompakt. Taktikat e përdorura nga rilindja nuk kanë çedim në qëndrimet tona. Opozita është dhe do të jetë krah qytetarëve.
Ne kemi nevojë për të pasur kontaktin e drejtpërdrejt tek qytetarët. Sa i përket taktikave elektorale, pozicionimet, janë teknikalitete. Pozicionimi i LSI-së në marrëdhënie me opozitën është shumë i qartë dhe i patjetërsueshëm”, ka deklaruar ajo.

Sipas Kryemadhit, beteja sot më shumë se kurrë nuk është rilindas-socialistë por kundër shpopullimit.

“Slogani ynë ta bëjmë Shqipërinë shtëpinë e shqiptarëve. Por ta dish që ka shumë socialistë”, tha kryetarja e LSI-së.