Një ngjarje e pazakontë dyshohet se ka ndodhur në Zyrën e Presidentit të Kosovës.

Aty një muaj më parë dyshohet se një pjesëtar i Agjencisë së Inteligjencës Kosovare ka shkuar dhe në prezencën edhe të sekretarit të Presidencës ka tentuar të hapë kasafortën e sigurisë, njofton Klan Kosova.

Kjo për shkak se dyshohet që EULEX-i do t`i bastiste zyret e këtij institucioni të lartë shtetëror.

Kasaforta ishte hapur nga IT e Presidencës shkurtimisht teksa pas kësaj ishte evidentuar gjithçka brenda saj, por pa u shikuar përmbajtja.

Rasti është denoncuar edhe në prokurori dhe po hetohet.

Vjosa Osmani, postin e Ushtrueses së Detyrës së Presidentit të shtetit e kishte marrë me 5 nëntor 2020 dhe që atëherë ka qenë përgjegjëse edhe për kasafortën e sigurisë ku ndodhen raportet e AKI-së dhe dokumente të tjera konfidenciale.