Protestuesit të zhvendosur tashmë para kryeministrisë, kanë rrëzuar pemën e Krishtlindjeve para godinës, pasi tentuan disa herë t’i vinin flakën.

Ata u grumbulluan para pemës, ku disa e tërhiqnin, ndërsa disa të tjerë mundoheshin t’i vinin flakën.

Pas rrëzimit të pemës, ata filluan të heqin topat e zbukurimeve dhe të godasin me to policët.

Protesta vijon prej gati 2 orësh tashmë, ndërsa protestuesit janë shprehur se nuk do të largohen deri sa të vendoset drejtësi për Klodjan Rashën, 25-vjeçari që u vra një ditë më parë nga një efektiv policie.