Një person është arrestuar në qytetin e Vushtrrisë pasi në mënyrë sistematike e ka rrahur renë e tij.

Policia njofton se arrestimi i tij është bërë dje, kurse tek i dyshuari kanë gjetur dhe sekuestruar një pushkë gjuetie për të cilën nuk kishte leje, shkruan Reporteri.net.

Njoftimi i policisë:

Në orët e mbrëmjes të 14 dhjetorit 2020, policia në Vushtrri, ka marrë informacion me elemente të veprës penale: “Dhunë në familje”.

Nga informacioni i siguruar nga viktima femër dhe dëshmitarë të tjerë, dyshimet janë ngritur se i dyshuari (vjehrri) i saj në mënyrë sistematike ka ushtruar dhunë psikike dhe fizike ndaj viktimës.

Hetuesit policorë në kuadër të Stacionit policor në Vushtrri, lidhur me rastin kanë ndërmarrë veprime të shpejta hetimore, me ç’rast është arrestuar personi i dyshuar.

Si rezultat i hetimit të zgjeruar, bazuar në elemente të tjera rrethanore, hetuesit policorë tek i dyshuari kanë gjetur dhe sekuestruar një pushkë gjuetie për të cilën nuk kishte leje.

Ndërsa, pas procedurave intervistuese, me urdhër të prokurorit të rastit, i dyshuari është liruar me procedurë të rregullt. Ndaj tij janë iniciuar raste për veprat penale: “Dhunë në familje” dhe “Armëmbajtje pa leje”. /Reporteri.net/.