Komuna e Malishevës ka njoftuar se pas analizave të bëra të ujit për pije nga Instituti Rajonal i Shëndetit Publik në Prizren kanë rekomanduar që uji të mos përdoret.

Përmes një postimi në “Facebook”, nga kjo komunë kanë bërë të ditur se IRSHP-ja rekomandon që uji të mos përdoret për pije pasi që është jasht parametrave të lejuar nga ndotjet e vërshimet.

“Instituti Rajonal i Shëndetit Publik në Prizren, pas analiza të bëra të ujit për pije, me kërkesën e Komunës së Malishevës, për sistemet e ujësjellësve në Malishevë, ka rekomanduar që momentalisht uji të mos përdoret për pije, pasi është jashtë parametrave të lejuar, si pasojë e ndotjes nga vërshimet”, thuhet në njoftim