Ambasadorja e SHBA ne Tiranë, Yuri Kim ka reaguar përsëri në lidhke me kandidimin e Tom Doshit në zgjedhjet parlamentare të 25 prillit.

Përmes një postimi në “Twitter”, Kim shkruan se kryeministri Edi Rama ka thënë se e ka përjashtuar Tom Doshin dhe ai nuk do ketë asnjë rol në qeveri.

“Më lejoni t’i jap fund spekulimeve: Kryeministri, Edi Rama dhe unë patën një bisedë të qartë se çfarë do të thotë ky emërtim. Në fakt, Kryeministri më kujtoi se ai e kishte përjashtuar personalisht këtë person nga Partia Socialiste. Ai theksoi se ky person nuk do të ketë asnjë rol në asnjë qeveri në çdo qeveri që ai do të formojë”, shkruan Yuri Kim.