Një ngjarje e rëndë ka tronditur Largo Marconin, në Torino të Italisë.

Jetmir Kurtsmajlaj, është 27-vjeç, me origjinë shqiptare, ka tentuar të vrasë studenten 20 vjeçare me origjinë greke, me të cilën kishte një lidhje dashurie. Ai e ka qëllur me thikë në bark, qafë dhe gjoks.

Policia ka mbërritur menjëherë në vendngjarje, pasi është njoftuar nga kalimtarët të cilët kanë qenë dëshmitarë të sulmit të 27 vjeçarit shqiptar ndaj studentes greke.

Sipas mediave italiane, mendohet që ngjarja ndodhi pasi 27 vjecari nuk ka pranuar faktin që marrëdhënia e tyre dashurore kishte përfunduar.

Aktualisht e reja ndodhet në spital dhe për shkak të plagëve të marra gjendja e saj shëndetësore është e rëndë.