Gjykata Supreme e Kosovës, ka aprovuar kërkesën e ish-drejtorit të SHSKUK’së, Basri Sejdiu, për ta rikthyer në vendin e tij të punës.
Me anë të një vendimi nga Gjykata Supreme të cilën Gazeta Metro e ka siguruar, kjo Gjykatë ka vendosur që ta refuzon vendimin e Gjykatës së Apelit në lidhje me vendin e punës së Basri Sejdiut.
Pas këtij vendimi, Basri Sejdiu do të duhej të rikthehet në punë si drejtor i Shërbimit Spitalor dhe Klinik Universitar të Kosovës, post ky që tani po ushtrohet nga infektologu Valbon Krasniqi.
Kujtojmë se Basri Sejdiu ishte shkarkuar në korrik të 2020 nga një Bordi i ri i SHSKUK.