Ministrja e zgjedhur e Drejtësisë, Albulena Haxhiu, sot ka marrë zyrtarisht detyrën e udhëheqëses së këtij dikasteri.

Haxhiu në pranim-dorëzimin e detyrës u prit nga ministri në largim, Selim Selimi, i cili e priti atë me lule, shkruan Reporteri.net.

Por njëjtë nuk kishte vepruar edhe Haxhiu, e cila kur la detyrën si ministre e Drejtësisë, nuk mori pjesë në në ceremoninë e pranim-dorëzimit.

E sot pas përfundimit të takimit Selimi e Haxhiu janë deklaruar edhe për media.

Ministrja e re e Drejtësisë tha se do t’i vazhdojë punët e mira që janë nisur nga qeverisjet e kaluara në këtë ministri.

Në anën tjetër Selimi theksoi se VV-ja ka bërë zgjedhjen e duhur duke e emëruar Haxhiun në krye të këtij dikasteri qeveritar. /Reporteri.net