Gazetari Valon Syla, përmes një postimi në Facebook ka folur për Ministrin e Mbrojtjes së Kosovës, Armend Mehaj, të emëruar nga kryeministri Albin Kurti.

Ai ka thënë se KFOR-i norvegjez, pjesë e të cilit ka qenë edhe Armend Mehaj, rrethinën e Komunës së Obiliqit nuk e ka lejuar që dasmat t’i festojnë me flamur.

“KFOR-i norvegjez, rrethin e Obiliqit s’i kanë lënë as dasmat me i festu me flamur. Një prej tyre, ka qenë edhe Ministri i Mbrojtjes, Armend Mehaj. Unë kam qenë gazetar i specializuar në përcjellje/mbulim medial të KFOR-it”, ka shkruar Syla.

Ai ka thënë se së shpejti do të publikojë dëshmitë për deklaratat e tij.

Postimi i plotë i Sylës pa ndërhyrje:

KFOR’i Norvegjez, rrethin e Obliqit si kanê lënë as dasmat me i festu me flamur. Një prej tyre, ka qenë edhe Ministri i Mbrojtjes, Armend Mehaj. Une kam qenë gazetar i specializuar në përcjellje/mbulim medial të KFOR’it. Së shpejti në media, do të publikohen dëshmi. Çlirimi i Albin Kurtit po vjen.