Ka rënë nga sistemi faqja që shërbente për të aplikuar rreth vaksinimit kundër COVID-19 në vend, shkruan Reporteri.net.

Platforma e shërbimeve online https://ekosova.rks-gov.net/ ka lansuar një aplikacion ku mund të aplikoni për vaksinimin anti-Covid. Bëhet fjalë për  opsionin “Aplikimi për vaksinim kundër Covid-19”.

Kjo uebfaqe ka rënë menjëherë nga sistemi dhe për momentin nuk është e qasshme.

Të dielën në Kosovë ka arritur kontingjenti i parë i vaksinave antiCOVID të kompanisë AstraZeneca, i cili përmban 24 mijë doza të kësaj vaksine.

Në Klinikën Infektive të Qendrës Klinike dhe Universitare të Kosovës, tashmë ka filluar vaksinimi i stafit shëndetësor, shkruan Reporteri.net.