Nga e marta e javës së ardhshme fillon Muaji i Shenjtë i Ramazanit.

Hoxha nga Drenica, Osman Musliu, në REPORTERI/INTERVISTA ka treguar se nga cili vit ka nisur të agjëroj dhe nëse e ka prishur ndonjëherë.

“Në vitin 1975 e kam nisur agjërimin, kam qenë në shkollën fillore në Likofc në klasën e shtatë, por e kam agjëru gjysmë Ramazani. Në vitin 1976 e kam agjëruar komplet, veç në ushtri nuk kam mundur me agjëru”, ka treguar Mulla Osmani.

Ai ka thënë se baba i tij e ka shtyrë të regjistrohet në Medrese.

“Baba im ka qenë një besimtar që nuk ka pas njohuri fetare, por ka qenë besimtar i sinqert. Baba më ka thënë ke me shku në Medrese me u bo hoxhë, atëherë ka qenë pa përspektivë, por baba e kish pa ditur më mirë dhe kam shku në Medrese me imponim të prindit, dhe kjo më ka dalë shumë e mire”, ka deklaruar ai.

/Reporteri.net/