Ish-ambasadorja e Kosovës në SHBA, Vlora Çitaku njoftoi në Twitter se llogaria e Forcës së Sigurisë së Kosovës në këtë rrjet social është mbyllur përkohësisht.

Çitaku përmes një reagimi iu drejtua Twitterit duke shprehur habinë pse ata papritmas e mbyllën llogarinë e FSK-së në të njëjtën ditë kur Departamenti i Mbrojtjes i SHBA-së publikoi një postim në lidhje me pjesëmarrjen e Forcës së Sigurisë së Kosovës në misionin paqeruajtës në Kuvajt.

“Pse papritmas keni vendosur ta kufizoni llogarinë e FSK-së, në të njëjtën ditë kur Departamenti i Mbrojtjes i SHBA-së shkruajti në lidhje me vendosjen e tyre të përbashkët në një mision paqeruajtës”, shkroi Çitaku.

Hello @Twitter, you really need to step up your game!

Why is it that all of a sudden you decided to restrict the account of @KSF_Kosova , on the same day that the U.S. @DeptofDefense tweeted about their co-deployment on a peacekeeping mission 🤔 pic.twitter.com/caIGIqgKzb

— Vlora Çitaku 🇽🇰 (@vloracitaku) May 8, 2021

Departamenti Amerikan i Mbrojtjes është shprehur krenar që t’i kenë afër vetës Forcën e Sigurisë së Kosovës në misionin e parë ndërkombëtar në Kuvajt.

“Departamenti i Mbrojtjesështë krenar të bashkohet me Forcën e Sigurisë së Kosovës në misionin e parë në Kuvajt. Gjatë këtij misioni, partnerët tanë nga Kosova do ta fitojnë përvojën e mekanikës dhe logjistikës duke punuar me njësitë e Ushtrisë Amerikane #BashkëMëTëFortë”, shkroi Departamenti Amerikan i Shtetit.

The DOD is proud to join @KSF_Kosova in its first co-deployment in Kuwait. During this mission, Kosovo partners will gain real-world mechanics and logistics experience working with @USArmy units. #StrongerTogether pic.twitter.com/STG4sMtFS9

— Department of Defense 🇺🇸 (@DeptofDefense) May 8, 2021