Ish-shefi i Stafit të ish-presidentit Hashim Thaçi — Bekim Çollaku, ka thënë se Kryeministri Albin Kurti nuk është duke e bërë publike qasjen për procesin e dialogut me Serbinë.

“Ishte retorikë e mirë e tij që e kemi parë shumë shpesh e që po e përsërit në Bruksel. Kurti ka qenë kundër dialogut të Brukselit sepse ka konsideruar se po i sjell dëme Kosovë. Doli se është prioritet i tij i vetëm në politikën e jashtme”, tha Çollaku.

“Ai tha se dialogu duhet të zhvillohet në mes palësh të barabarta dhe kjo nuk është asgjë e re. Sa i përket dialogut nuk kemi dëgjuar asgjë konkrete nga Kurti për substancën, mënyrën dhe qasjen se çfarë do të diskutohet”, shtoi ai në Klan Kosova.