Autoritetet në rajonin e Corinth të Greqisë jugore kanë zhvendosur njerëz nga gjashtë fshatra ndërsa zjarrfikësit luftuan me një zjarr pyjor.

Siç bëhet e ditur nga mediat e huaja, përcjell Telegrafi, në shuarjen e zjarrin kishin marrë pjesë shumë kamionë si dhe disa aeroplanë të vegjël.

Për fat të mirë, nuk është raportuar për ndonjë të vdekur në zjarrin që thuhet se shpërtheu të mërkurën në mbrëmje në një vendpushim të vogël pushimesh bregdetare në gadishullin e Peloponezit, rreth 90 kilometra nga kryeqyteti, Athina.

Sidoqoftë, autoritetet urdhëruan evakuimin e gjashtë fshatrave dhe dy manastireve në malet Gerania si një masë paraprake, tha një zyrtar i brigadës së zjarrfikësve.

Më shumë se 180 zjarrfikës po luftonin me flakën mbështetur nga 62 kamionë zjarri, 17 aeroplanë dhe tre helikopterë, tha brigada e zjarrfikësve në Twitter.