Mbretëresha Elizabeth do të takojë Presidentin e SHBA Joe Biden dhe Zonjën e Parë Jill Biden javën e ardhshme, ka thënë Pallati Buckingham.

Takimi në Windsor të dielën 13 qershor përkon me përfundimin e vizitës së Biden në Britani për samitin e G7 të liderëve nga ekonomitë më të mëdha në botë.

Biden do të jetë presidenti i 12-të në shërbim të SHBA, me të cilin Mbretëresha takohet si monarke, raporton BBC, transmeton Klankosova.tv.

Ajo u takua me paraardhësin e tij Donald Trump dhe Zonjën e Parë Melania Trump në Pallatin Buckingham në 2019.

Madhështia e saj, 95, u takua për herë të parë me një president në shërbim të SHBA, Harry S Truman, si asokohe Princesha Elizabeth në 1951.

Që atëherë ajo është takuar me të gjithë liderët e zgjedhur amerikanë gjatë 69 viteve të saj në fron, përveç Lyndon B Johnson.