Sekretari amerikan i Shtetit, Antony Blinken me anë të një statusi në rrjetet sociale ka komentuar dënimin e përjetshëm të dhënë nga Gjykata e Hagës për ushtarakun famëkeq të luftës në Bosnjë Ratko Mlladiç, i ashtuquajtur “Kasapi i Ballkanit”.

Blinken shkruan se dënimi i ushtarakut serb mund të shërbejë për t’i falur pak paqe viktimave të dhunës së tij dhe familjarëve të tyre, teksa shton që SHBA-të do të vazhdojnë të mbështesin drejtësinë dhe llogaridhënien për krimet e luftës.

“Dënimi i sotëm i ish-komandantit të ushtrisë serbe në Bosnjë, Ratko Mladic për genocid, krime lufte dhe krime kundër njërëzimit, i sjelltë sadopak paqe viktimave dhe të dashurve të tyre. SHBA-të do të vazhdojnë të flasin për drejtësinë dhe llogaridhënien”- ka shkruar Blinken.