Nën koreografinë e të rinjve të forumit rinor të PD-së ka nisur këtë të dielë protesta e 7 kombëtare e mbledhur nga opozita.

Mijëra qytetarë kanë vërshuar në bulevardin kryesor të Tiranës, ndërsa në ballë të godinës së kryeministrisë janë parë dhjetëra tullumbace me mbishkrimin “Rama ik”.

Një flamur i madh i Shqipërisë është shpalosur po ashtu pranë qendrës së protestës në sheshin përballë kryeministrisë.

Protestuesit kanë hedhur bojë drejt Kryeministrisë.

Kujtojmë se kjo është e shtata protestë kombëtare e thirrur nga opozita që doli nga parlamenti duke djegur mandatet në fund të shkurtit me kauzën për zgjedhje të lira dhe të ndershme, partitë opozitare me në krye PD-në kërkojnë largimin e kryeministrit dhe ngritjen e një qeverie tranzitore që do e përgatisë vendin për zgjedhje të lira dhe të ndershme që do i hapin vendit rrugën e integrimit.