Faljen e Fitër Bajramit e bënë në Xhami. Besimtarët myslimanë të Zhegrës së Gjilanit, sikur edhe viteve tjera, lutjet i bënë sikur shumë vjet më parë, në traditën e fshatit.

Madje, këta janë të lumtur që edhe bashkëvendësi i tyre Xherdan Shaqiri, i përçon në botë mesazhet në mënyrën e njëjtë, duke e përkrahur mënyrën e tij të festimit, kur shkroi “Elhamdulilah”, njofton Klan Kosova.

Të tjerët thanë se nuk ia vënë veshin kritikave ndaj Shaqirit, kur ekipi i tij morri epitetin e fituesit në Ligën e Kampionëve të shtunën.

Ndryshe, edhe vetë Shaqiri sot publikoi një urim ku nuk ngurroi të shkruante “Elhamdulilah”, ndonëse për këtë u kritikua në Kosovë.