Një çudi arkitekturore ka ndodhur në rrugën Uran Ajeti në Mat 1, të Prishtinës, shkruan Reporteri.net

Një objekt në ndërtim e sipër është ndërtuar 30 centrimetera më i madh se objekti tjetër. Anipse të dy objektet janë të ngjitura njëra me tjetrën.

Pra, objekti i ri ka dale me gati dy blloka më afër rrugës krahasuar me objektin e vjetër.

Komuna e Prishtinës ka dhënë leje për një ndërtim të tillë, këtë për Reporterin e kanë konfirmuar inspektorët komunal, të cilët pas raportimit të Reporterit kanë dal në vend të ngjarjes dhe e kanë verifikuar objektin në fjalë.

Ata përmes telefonit kanë thënë se objekti në fjalë është në rregull dhe se e ka lejën e ndërtimit.

”Po, objekti në fjalë është në rregull, e ka lejën ndërtimore dhe nuk ka lëvizur nga plani i ndërtimit, e ka piketimin’, kanë thënë inspektorët e komunës së Prishtinës për Reporterin.

Kurse redaksia jonë ka provuar të kontaktoj edhe me Drejtorinë e Urbanizmit, Ndërtimit dhe Mbrojtjes së Mjedisit por nuk kanë pranuar të flasin. /Reporteri.net/