Presidenti serb Aleksandar Vuçiq tha sot se në Bratisllavë, në konferencë ndërkombëtare të organizuar nga GlobSec, “do të tregojë të vërtetën dhe se është e nevojshme që Amerika të pajtohet me Prishtinën për të shfuqizuar taksën mbi mallrat serbe”.

Ai i tha TV Prvas se edhe presidenti i Kosovës Hashim Thaçi do të jetë atje, por ai nuk do të ketë një takim dypalësh me të.

“Unë po shkoj atje i lirë nga çdo faj dhe përgjegjësi për atë që po ndodh në Kosovë,” tha kreu i shtetit serb.

Presidenti i Serbisë do të marrë pjesë nesër në një konferencë ndërkombëtare në Bratisllavë në panelin mbi të ardhmen e dialogut midis Beogradit dhe Prishtinës.

Konferenca GlobSec i dedikohet sigurisë në Evropën Qendrore.

Vuçiç tha gjithashtu se ai ishte në favor të demarkacionit me Kosovën, duke thënë se është “absolutisht më i shëndetshëm për Serbinë dhe Serbët”.