Trajneri i Kombëtares franceze, Didier Deschamps ka konfirmuar sot në një konferencë për media se mbrojtësi i majtë i skuadrës Ferland Mendy po transferohet në Real Madrid.

“Mendy ka pasur një progres të jashtëzakonshëm, ishte në ligën e dytë para dy viteve, ndërsa tani ai do të transferohet në Real Madrid”, ka konfirmuar francezi.

Super-mbrojtësi i Lyonit ka shkëlqyer me skuadrën e tij Lyon, kështu ka zgjuar interesim të madh nga top-skuadrat e mëdha evropiane, shkruan Reporteri.net

Zinedine Zidane e ka parë francezin si zëvendësuesin ideal për brazilianin Marcelo, i cili ka filluar ta ndjejë moshën e tij.

Real Madridi ka konfirmuar ditë më parë transferimin e Eden Hazard, por belgu nuk është transferi i vetëm, pasi deri më tani ‘mbretërit’ kanë arritur të transferojnë edhe Luka Jovic, Eder Militao dhe Rodrygo.

Mendy kështu do të bëhet transferi i pestë i “Los Blancos”, ndërsa spanjollët janë në kërkim edhe të një mesfushori, derisa shohin njërin nga Pogba apo Eriksen si objektivat kryesor./Reporteri.net/