Federata e Futbollit të Kosovës e ka vlerësuar me yll sulmuesin e Ballkanit, Ermal Krasniqin.

Krasniqi ka pranuar çmimin e “Ylli i Javës” për xhiron e 11’të në Superligën e Kosovës në futboll, shkruan Reporteri.net

Ermal Krasniqi, dha kontribut të madh në triumfin e skuadrës së tij ndaj kampionit në fuqi FC Prishtina, me një gol dhe një asistim.

Për sulmuesin e Ballkanit, i cili po kalon formë të jashtëzakonshme, kjo është hera e dytë që shpallet “Ylli i Javës” në këtë edicion, pasi këtë çmim e kishte fituar edhe në xhiron e dytë.