Kryetari i Kuvendit të Kosovës, Kadri Veseli, ka uruar qytetarët e Skenderajt për 20 vjetorin e çlirimit.

Lideri i PDK-së, përmes një shkrimi në tha se Skenderaj dhe Drenica ishin në ballë të luftës çlirimtare, shkruan Reporteri.net.

”Në ditën e çlirimit të Skenderajt, gjithë qytetarëve të kësaj komune ua uroj këtë ditë të madhe. Brez pas brezi, Skenderaj dhe Drenica ishin në ballë të luftës çlirimtare, që nga themelimi i UÇK-së, në krye me Komandantin Legjendar Adem Jasharin, krenaria dhe nderi i kombit tonë. Lavdi dëshmorëve të Skenderajt dhe gjithë Kosovës!”, ka shkruar Veseli.

Qytetarët për ditën e çlirimit i ka uruar edhe kreu i Skenderajt, Bekim Jashari, i cili ka shkruar në Facebook se kjo datë nuk mund të kremtohet pa familjet e dashura të dëshmorëve që dhanë djemtë dhe burrat trima, për këtë liri.