Princi i shqiptarëve Leka përmes një postimi në Facebook ka bërë të ditur se ish-presidenti francez, Nikola Sarkozy, ka qëndruar së fundmi në Shqipëri, konkretisht në qytetin e Butrintit.

Princi Leka ka shkruar në Facebook se shqiptarët i janë përjetësisht mirënjohës Sarkozyt për mbështetjen e madhe që ka dhënë për pavarësinë e Kosovës, shkruan Reporteri.net.

“Një takim shumë i veçantë në Butrintin tonë të bukur, pas koncertit sharmant të artistes Carla Bruni! Si shqiptarë i jemi përjetësisht mirënjohes Presidentit Sarkozy, i cili tregoi mbështetjen më të madhe dhe më të sinqertë për Kosovën gjatë proçesit të pavarësisë në vitin 2008”, ka shkruar Princi Leka, ndërsa ka postuar foto me presidentin Sarkozy. /Reporteri.net/.