Këtë të diel, Kanada mposhti Xhamajkën me rezultat 4-0, rrjedhimisht arriti të sigurojë një vend në Kupën e Botës 2022, që të do të zhvillohet këtë vit në Katar.

Për Kanadanë, kjo është pjesëmarrja e parë në Kupën e Botës që prej vitit të largët 1986, dhe e dyta në histori pasi më parë ishte pjesëmarrëse edhe në Kupën e Botës në Meksikë.

Cyle Larin, e hapi serinë e golave për Kanadanë në minutën e 13-të. Epërsinë e dyfishoi Tajon Buchanan në minutën e 44-të.

Ndërsa dy golat e fundit u shënuan në fund të ndeshjes, në minutën e 83 Hoilet e trefishoi rezultatin, teksa dy minuta para përfundimit të kohës së rregullt, Marriappa realizoi autogol.

Në xhiron e fundit të kualifikimeve të Concacaf për Katar 2022, që do të luhen këtë të mërkurë, më 30 mars, skuadra kanadeze do të vizitojë Panamanë ndërsa Xhamajka do të presë Hondurasin.