Skuadra e Llapit ka shënuar fitore shumë të rëndësishme sot në Drenas, shkruan Reporteri.net.

Skuadra nga Podujeva ka mposhtur atë të Feronikelit me rezultat 0-2.

Pas kësaj humbje, skuadra nga Drenasi për herë të parë pas 10 vitesh ka dalur nga Superliga e Kosovës.

Ndërkaq, trajneri i Llapit, Tahir Batatina, me anë të një postimi në Facebook ka krahasuar skuadrën që ai udhëheq me atë të Romës.

“Me formën momentale që kemi tash edhe Romën e Mourinhos e kishim deklasuar futboll. Forca djema, Vazhdojmë”, shkroi ai.

Veç të tjerash, pas 30 xhirove, Llapi pozicionohet në vendin e katërt me 50 pikë, kurse Feronikeli në vendin e fundit ka 12 pikë.

Xhiroja e 31-të do të luhet në mesjavë.

Llapi udhëton te Malisheva kurse Feronikeli i shkon Dukagjinit.