Sonte do të ketë një meç mjaft të “zjarrtë” në botën e boksit, ku për këtë kanë filluar organizime masive të tifozëve të dy boksierëve të cilët do të përballen edhe dy orë, shkruan Reporteri.net.

E, pikërisht kampioni i WBC-së, Tyson Fury, 33 vjeç, do ta mbrojë titullin të cilin e fitoi gjatë vitit 2020.

Karshi Fry qëndron Dillian Whyte,i cili është britanik, bile edhe mik i hershëm i “The Gipsy King”.

E, Fury është ai i cili është duke u konsideruar favorit në këtë përballje, por kjo si rezultat i statistikave mbrësëlënëse të tij, krahasuar me Dillian Whyte.

Fury është më i gjatë saktësisht 2 metra e 6 centimetra për dallim nga kundërshtari i cili është 1 metër e 93 cm.

“The Gipsy King” ka edhe rekord më të mirë në karrierë duke regjistruar 31 fitore nga 32 duele prej të cilave 22 i ka mbyllur me KO.

Veç kësaj, Whyte prej 30 ndeshjeve ka fituar 28 me 19 KO.