Një përleshje që ka ndodhur në parkingun e një marketi në Banjë të Pejës.

Kjo përleshje në të cilën kanë qenë të përfshirë dy persona ka përfunduar me therje të rëndë të njërit person të përfshirë në rast.

Nga Policia e Kosovës kanë thënë për Reporteri.net se rasti ka ndodhur rreth orës 17:30 të ditës së djeshme.

Personi i plagosur është jashtë rrezikut për jetë.

“Dje në parkingun e një marketi janë përleshur dy persona. Njëri nga ta ka pësuar lëndime të rëndë me një mjet të mprehtë- kaçavidë. I njëjti momentalisht është jashtë rrezikut për jetë. Nuk dihet ende se cilat janë motivet e përleshjes”, ka thënë zëdhënësi I Policisë në Pejë, Fadil Gashi.

Ky rast është cilësuar si “Vrasje në tentativë” kurse njëri nga të dyshuarit është ndaluar për 48 orë. /Reporteri.net