Nënkryetari i LDK-së, Lutfi Haziri thotë se Lëvizjen Vetëvendosje e quan “Lëvizje të kuqe”, ndërsa thotë se ata vijnë nga forumi rinor i PDK-së.

Haziri thotë se janë përafruar si opozitë, por se ai nuk ia harron Albin Kurtit dhe VV-së të bëmat.

“Vetëvendosja nuk munet me pranu suksesin e njerëzve”, ka thënë Lutfi Haziri në T7.

Haziri poashtu përmendi edhe bashkëpunimin e tij me të parin e Vetëvendosjes, Albin Kurtin.

“Unë kam pasur bashkëpunim me Albin Kurtin derisa ai nuk ka hy në politikë. Në momentin kur ka hy në politikë ne i kemi nda rrugët”, ka thënë nënkryetari i LDK-së, Haziri.

Ai e quajti subjektin politikë të Kurtit “Lëvizje të kuqe” dhe forum i marksizëm leninizmit që dalin PDK-ja.

“Lëvizja e kuqe janë të majtë, sepse e dijmë çfarë simboli kanë partitë e majta. Vetëvendosja janë forum i marksizëm leninizmit që kanë dalë nga PDK’ja”, ka thënë Haziri.