Deputeti i Lëvizjes Vetëvendosje Jahja Kokaj, ka vendosur të mos marrë pjesë në një konferencë në Paris, thirrjen nga e cila e kishte bërë publike në llogarinë e tij në Facebook.

Ai, madje e ka fshirë ftesën, e asaj që i ishte prezantuar si konferenca e parë e inxhinierisë dhe teknologjisë “ECETECH 2022″, ku ishte njoftuar se të gjitha shpenzimet i kishte të hequra.

Kokaj tha për Klan Kosova se e kishte parë me dyshim atë ftesë, porse arsyeja e mospjesëmarrjes në të është edhe një angazhim paralel në kohën e njejtë, andaj nuk ka mundësi që të marrë pjesë në të dyja konferencat.

“Prandaj kur ke diçka më të rëndësishme merr pjesë në atë që e ke prioritare”, tha ai.

“Si duket ka qenë një fake news, por unë se kam atë informacion. Unë gjatë kësaj kohe jam i thirrur të marrë pjesë në një konferencë tjetër dhe nuk kam mundësi që të marrë pjesë në dy konferencat”, tha ai.