Pas vizitës që kishte në Gjakovë ku u përurua edhe rruga Ponoshec – Qafë Morinë që morri emrin e tij, kongresmeni Eliot Engel vizitoi sot edhe qytetin e Pejës.

Kongresimeni amerikan që po ashtu është edhe kryetar i Komisionit për Marrëdhënie me Jashtë i Dhomës së Përfaqësuesve, u prit në qytetin perëndrimorë të Kosovës nga biznesmeni Harry Bajraktari.

Engel i cili kishte marrë pjesë në manifestimet me rastin e ditës së pavarësisë së Shteteve të Bashkuara dhe përurimin e ndërtesës së ambasadës amerikane në Prishtinë, bëri homazhe tek shtatorja e atdhetarit Haxhi Zeka si dhe luftëtarit Shkëlzen Haradinaj.