Një tërmet i fuqishëm ka tronditur Kaliforninë Jugore për herë të dytë në disa ditë.

Tërmeti i magnitudës 7.1 i  cili goditi rreth 11 kilometra nga Ridgecrest, qytet në Kern County, ishte shumë afër epiqendrës së tërmetit që u ndje të enjten, shkruajnë mediat e huaja, transmeton Reporteri.net.

Ndërsa Instituti Gjeologjik i Shteteve të Bashkuara tha se tërmeti ishte me magnitudë 7.1, Agjencia Europiane Sizmologjike e Mesdheut publikoi shifrën 6.9.

Tërmeti, i cili shkaktoi zjarre dhe shumë dëme materiale zgjati të paktën një minutë e gjysmë.

Gazetarët e rrjetit televiziv CBS, Juan Fernandez e Sara Donchey e përjetuan live tërmetin, pasi gjatë asaj kohe ishin në lidhje direkte.

Kujtojmë se të enjten Kalifornia Jugore u godit nga tërmeti më i fuqishëm në 20 vitet e fundit.

Shikoni videon: