Artisti amerikan Brad Downey po qëndron në Slloveni për ekspozitën e tij “This Echo” që është hapur këtë të enjte. Një pjesë e kësaj ekspozite do të jetë historia e Zonjës së Parë të SHBA-ve, Melania Trump.

Downey ka qenë për vizitë edhe në Sevnica dhe zonën përreth nga ku vjen gruaja e presidentit amerikan Donald Trump. Ai thotë se donte të dëgjonte gjuhën që ajo e fliste, si është jeta e përditshme e klasës punëtore dhe gjëra të tjera nga jeta e njerëzve lokalë.

Statuja e Melania Trump ka qëndruar nga muaji mars në fshatin Rozhno, vetëm pak kilometra nga Sevnica  ku u vendos të premten, shkruan Dnevnik.si, transmeton Reporteri.net.

Statuja nuk duket aspak si zonja e parë, por, sipas ITV, të paktën është fustani mban ngjyrën e njëjtë, si ai që Melania e kishte të veshur në inaugurimin e presidentit Trump.

'Scarecrow' statue of Melania Trump unveiled in #Slovenia to mixed reviews https://t.co/hnWLC23cJt pic.twitter.com/NwFMtR1ijm

— Stefano Giantin (@stefanogiantin) July 6, 2019

Banorët lokalë, megjithëse krenarë për ekspozitën më të famshme në qytet, përgjithësisht nuk janë të kënaqur me ngjashmërinë e statujës me Melania Tramp. Ata po e krahasojnë me personazhin nga filmi i animuar Smurfette.

“Nuk është aspak si Melanie. Duket si Smurfette. Është një turp”, tha një nga banorët që u mblodhën për të parë statujën.

Për statujën e Melania Trumpit është angazhuar një autor slloven. Kërkesa e vetme në gdhendjen e një statujës ishte që Melania duhet të ketë një fustan me ngjyrë të njëjtë si ajo e inaugurimit të presidentit Donald Trump, për gjithçka tjetër ekzistonte liria artistike. /Reporteri.net