Futbollisti do të qëndrojë i huazuar deri më 2020, ndërsa me 1 korrik do të blihet përfundimisht nga Atletico.

Morata do të vazhdojë të qëndrojë në Atlético Madrid, jo vetëm këtë sezon – por edhe shumë të tjerë.

Atletico dhe Chelsea kanë bërë zyrtare marrëveshjen e arritur për 26-vjeçarin spanjoll, transferimi i të cilit do të bëhet i përhershëm më 1 korrik 2020.

Është vendosur që këtë sezon të luajë në formë huazimi, ashtu siç janë marrë vesh kur iu bashkua ekipit të El Cholos.

? | Agreement with @ChelseaFC over the transfer of @AlvaroMorata from July 1, 2020. The striker will play at our club on loan this season and the move will become permanent ahead of the 2020-2021 season
? https://t.co/dX4mI5Nxgw#AúpaAtleti pic.twitter.com/rpU8Tex0S3

— Atlético de Madrid (@atletienglish) July 6, 2019

“Është arritur marrëveshja me Chelsea FC për transferimin e Alvaro Moratas nga 1 korriku 2020. Sulmuesi do të luajë në formë huazimi këtë sezon dhe transferimi do të bëhet i përhershëm para sezonit 2020/21”, shkruan Atletico në njoftimin në “Twitter”.

Lidhur me largimin përfundimisht nga “Blutë e Londrës” ka njoftuar edhe Chelsea, duke i uruar fat ish-sulmuesit të Real Madridit.

Thank you and good luck, @AlvaroMorata. ?

— Chelsea FC (@ChelseaFC) July 6, 2019

Sipas të përditshmes AS, Atletico duhet t’i derdhë në arkat e Chelseas verën e ardhshme 55 milionë euro.