Diego Costa nuk po mund assesi të rehatohet me profesionin e tij që prej se u largua nga ekipi i Chelseas.

Spanjolli njihet për temperamentin e tij të ashpër në fushë dhe jo vetëm. Kjo i kushtoi atij me largim nga Chelsea, shkruan Reporteri.net

Pasi u largua nga Chelsea, ai u detyrua të qëndrojë 6 muaj jashtë fushave për shkak të suspendimit të klubit Atletico Madrid.

Mirëpo që nga rikthimi ai nuk ka arritur të tregohet Costa i vërtetë dhe kjo ka bërë që drejtuesit e klubit spanjoll të shikojnë për alternativa të mundshme.

Agjenti i futbollistit, Jorge Mendes ka thënë se për futbollistin kanë ardhur disa oferta të mira nga Anglia, por vetëm një ka qenë e levërdishme.

Siç raportohet, skuadra e Wolverhampton është e interesuar për shërbimet e braziliano-spanjollit dhe dëshirojnë ta krijojnë një dyshe Raul Jimenez dhe Diego Costa.

Duke marrë parasysh raportet e mira që ka agjenti i futbollistit me klubin anglez, një transferim i tillë është shumë lehtë i realizueshëm, madje thuhet se edhe vet lojtari ka miratuar këtë lëvizje./Reporteri.net/