Policia e Kosovës ka identifikuar mbi katër mijë bimë narkotike të llojit kanabis në Malishevë, dhe ka arrestuar një të dyshuar për kultivim të këtyre bimëve.

Të dyshuarit, me iniciale A.M., i janë konfiskuar edhe katër fishekë kalibër i panjohur, një automjet me targa vendore si dhe preparate që shërbejnë për kultivimin e bimëve narkotike, transmeton Gazeta Online Reporteri.net.

Personi i dyshuar është dërguar në mbajtje derisa bimët narkotike janë asgjësuar dhe një sasi e tyre janë marrë për ekzaminim.

Hetimet lidhur me rastin janë duke vazhduar. /Reporteri.net/.

Njoftimi i plotë i Policisë:

Policia e Kosovës, konkretisht Drejtoria për Hetimin e Trafikimit me Narkotik pas pranimit të informatave për kultivim të bimëve narkotike në një fshat të komunës së Malishevës, në koordinim me prokurorinë e shtetit kanë ndërmarrë të gjitha veprimet e nevojshme, duke aplikuar masat e fshehta teknike të vëzhgimit dhe hetimit për identifikim dhe vëzhgim të lokacionit të mbjellur me bimë narkotike.

Me datë 15.07.2022, njësitë kompetente policore pas trajtimit të informatave sipas procedurave të parapara, kanë dalur në lokacionin e lartëcekur, me ç’rast kanë identifikuar 2720 bimë narkotike të mbjellura të llojit Kanabis Sativa. Në lidhje me rastin është bërë arrestimi i një personi të dyshuar me iniciale A.M mashkull/kosovar ku dhe është kryer një bastisje në shtëpinë dhe objektet përcjellëse pronë e tij.

Gjatë kryerjes së bastisjes në pronat e të dyshuarit mashkull kosovar janë gjetur dhe konfiskuar:
Katër (4) fishekë kalibër i panjohur,
Një automjet/kombi me targa vendore,
Preparate që shërbejnë për kultivimin e bimëve narkotike.

Poashtu gjatë kontrollimit të terenit jashtë shtëpisë së personit të dyshuar, në një parcelë tjetër janë gjetur edhe 928 bimë narkotike të llojit Kanabis Sativa dhe 624 bimë të vogla narkotike (rasad) poashtu të llojit të njëjtë.

Lidhur me rastin me urdhër të prokurorit kompetent, personi i dyshuar i arrestuar është dërguar në mbajtje, ndërsa bimët e dyshuara janë hequr dhe asgjësuar dhe një sasi prej tyre janë marrë për ekzaminim, përderisa hetimet lidhur me rastin janë duke vazhduar.