Lewis Hamilton fitoi për herë të gjashtë Çmimin e Madh të Britanisë, që është rekord i ri në botën e Formula 1, pasi parakaloi shokun e tij të skuadrës Valtteri Bottas.

141 mijë tifozët e pranishëm ishin me gjithë zemër pas anglezit, i cili po afrohet gjithnjë e më pranë për të siguruar titullin e tij të gjashtë në botë me një avantazh prej 39 pikësh mbi Bottas që mban vendin e dytë.

“Çfarë dite, të dua Silverstone”, tha Hamilton pas triumfit, transmeton lajmi.net.

Podiumi u mbyll me pilotin e Ferrarit, Charles Leclerc, ndërsa Sebastian Vettel dhuroi tjetër përformancë zhgënjese duke përfunduar në pozitën e 16-të.

Carlos Sainz ndërkohë zur vendin e gjashtë, ani pse u nis nga pozita e 13.

A race to remember at Silverstone ??#BritishGP #F1 pic.twitter.com/IAlJkw6xy5

— Formula 1 (@F1) July 14, 2019