Presidenti i SHBA-ve, Joe Biden, nuk e ka përjashtuar mundësinë e një takimi me homologun e tij rus, Vlaimir Putin, në samitin e G20, i cili do të mbahet në nëntor, në Bali të Indonezisë.
“Mbetet për t’u parë”, u tha Biden gazetarëve, kur u pyet për mundësinë e te takuarit kokë më kokë me presidentin rus, në kuadër të samitit.
Mediet perëndimore shkruajnë gjithashtu se nëse Putin merr pjesë në samit, duhet të ketë pjesëmarrje dhe nga presidenti ukrainas, Volodymyr Zelensky, dhe pse vendi i tij nuk është anëtar i G20-ës.
Joe Biden theksoi gjithashtu se me shumë mundësi dp të ketë një takim me Xi Jinping, gjithmonë nëse presidenti kinez shkon në samit.
Deri më tani, nuk është konfirmuar ende nëse Vladimir Putin dhe Xi Jinping do të marrin pjesë në samitin e G20 në nëntor. Pushtimi i Ukrainës ka izoluar Rusinë në skenën ndërkombëtare, ndërsa presidenti i Kinës ka kufizuar udhëtimet jashtë vendit për shkak të pandemisë Covid-19.
Në gusht, presidenti indonezian Joko Widodo tha në një intervistë për Bloomberg se homologët e tij rusë dhe kinezë do të merrnin pjesë në samit. /abcnews.al/
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.