Bad News Eagles janë kualifikuar në turneun më të madh në CS:GO, i cili do të mbahet në Brazil.

BNE triumfoi ndaj ekipit rus, Forze, me rezultat 2-1, me mapa.

Lojën më mirë e nisën djelmoshat tanë, pasi krijuan epërsi në mapin e parë ‘de Dust 2’, por nuk arritën ta mbajnë dhe u mposhtën 16:13.

Në mapin e dytë, ‘Ancient’, skuadra ruse ishin fillimisht më të mirë, por BNE nuk u dorëzuan dhe arritën të rikthejnë rezultatin në favor të tyre 16:12.

Kështu ndeshja shkoi deri në mapin e tretë në ‘Mirage’.

Edhe në atë terren ishin ‘Shqiponjat kosovare’ që dominuan dhe triumfuan 16:4.

Kështu Bad News Eagles sigurojnë kualifikimin në Major të Rios së Brazilit.