Jo veç deputet të PDK-së, por edhe të LDK-së po qëndrojnë në Gjermani ku po takojnë strukturat e tyre atje.

Deputeti i LDK-së, Armend Zemaj, përmes një postimi në Facebook ka njoftuar se po qëndron në Mynih të Gjermanisë ku siç thotë po i dëgjojn e bashkëbisedon me mërgimtarët atje.

Ai thotë se zëri i bashkatdhetarëve është LDK-ja, shkruan Reporteri.net.

Postimi i tij:

Zëri i bashkatdhetarëve është zëri i LDK-së

LDK po dëgjon e po bashkëbisedon me të gjithë. Për këtë arsye, edhe sot në Gjermani u takuam me bashkatdhetarë dhe strukturat e nëndegës së LDK-së në Mynih, Gjermani.

Të bashkuar po e ndërtojmë programin për zhvillimin dhe integrimin e atdheut. Sepse të bashkuar e kemi bërë rrugëtimin për liri e pavarësi, prandaj bashkë e suksesshëm do ta bëjmë edhe rrugëtimin integrues.