Gjermania ka konfirmuar se do të dërgojë tanket Leopard 2 në Ukrainë dhe do të autorizojë rieksportin e tyre nga vendet partnere, transmeton Reporteri.net.

Kështu tha në një deklaratë gjatë ditës së sotme zëdhënësi i qeverisë gjermane, Steffen Hebestreit.

Njoftimi shton se Gjermania në hapin e parë do të sigurojë 14 tanke Leopard 2 nga stoqet ushtarake.

Stërvitja e ushtarëve ukrainas në Gjermani do të fillojë së shpejti, ndërsa Gjermania gjithashtu do të sigurojë logjistikë dhe municione, thuhet në njoftim.

Vendimi i Gjermanisë i hap rrugën vendeve të tjera si Polonia, Spanja dhe Norvegjia për të dorëzuar rezervat e tyre të tankeve Leopard në Ukrainë. /Reporteri.net/